Sveinung Hobberstad sine fuglesider

FUGLAR - min viktigaste hobby

Sidan eg var liten guttunge har eg vert interessert i fugl. Som barn gjekk hobbyen fyrst og fremst ut på å leite etter reir i skog og mark. Som vanleg var på den tida hadde eg og ei lita eggsamling. Seinare har alltid interessen vert der utan at eg har vert så veldig aktiv. Nokre år dreiv eg på med oppdrett av tropefuglar, men i 1993 kom eg i kontakt med ornitologer, og sidan har eg vert aktiv i det miljøet. Same året melde eg meg inn i Norsk Ornitologisk Forening, og byrja å gå på møter i Jæren Lokallag. Ikkje lenge etterpå vart eg med i styret i lokallaget er eg har sete fram til nå. Omtrent halve tida var eg leiar i foreininga. Frå 1994 og dei neste sju åra var eg styremedlem i Rogaland si fylkesforening. Sjølv om eg likar best å være ute og kikke på både sjeldne og vanlege fuglar, har nok likevel mest tid blitt brukt til ringmerking, spesielt dei siste åra. Elles har eg etterkvart fått inn mange skada fuglar til pleie, og stell av desse tek og ein del tid.

Korleis interessa mi byrja

Eg grubla lenge på korleis fugleinteressa mi eigentleg byrja, og det fyrste eg kan huske som har med fugl å gjera skjedde då eg var omlag 3-4 år. Ein søndag føremiddag fløy ein gjerdesmett på vindauget, og låg halvdød på bakken. Me tok den inn, og la den i ei eske. Me reiste så på familiebesøk, og det var spanande å koma heim at å sjå korleis det gjekk med fuglen. Me fann den ikkje med det sama, men etter ei stund vart den funnet oppe i ein ventil. Sjølv om eg ikkje husker det, så fekk den heilt sikkert igjen friheten etter det.