Sveinung Hobberstad sine fuglesider

Ludvig Lomvi

Ludvig Lomvi på badet

På laurdag 9. januar (1999) fekk me telefon frå Fosse på Bryne om ein oljeskada lomvi (Uria aalge) dei hadde funne ved sjøen. Sveinung og Sissel køyrde opp og henta den, og den fekk ei eske å bu i på badet. Den vart snart døypt Ludvig av ungane. Det meste av olja har me klart å vaska av, og nå må me ha den ei stund slik at den får igjen fettet i fjørdrakta. Ludvig protesterte ikkje så mykje då han vart vaska, men han likte ikkje å verta dusja. Han får mest kvar dag bada i badekaret, og i dag (14.januar) flyt han mykje betre enn før, så han byrjar nok å få litt fett tilbake i fjørene. Han er ganske dyr i drift og vil ikkje ha makrell. Men når han får torsk så går maten fort ned. Han var svært avmagra då me fekk han, men har kome seg litt.

15.januar

Ludvig er ennå i god form. Han eter godt og har vert litt hissig i dag. Han ville heller ikkje bade. Men han er ennå litt tynn, så han må nok leggja på seg litt før me slepp han ut. Maten i dag har vert sei, det er billigare enn torsk. Han liker helst å få store stykker som han må jobbe litt med å få ned. Er bitane for små et han dei ikkje. Når han får ein bit i nebbet så rister han den godt før han svelger den.

19. januar

Det går betre og betre med Ludvig. Appetitten aukar og han legg på seg, så nå er det snart tida for å sleppa han ut. Me får la han prøve badekaret i kveld så me er sikre på att alt står godt til med fjørdrakta.

21. januar

Så kom dagen då Ludvig skulle få friheten igjen. Om morgonen etter at han hadde fått så mykje fisk han ville køyrde me ned til Nærlandstranda. Då han slapp ut or eska kikka han seg først litt forvirra rundt, og så byrja han å stabbe seint ned mot sjøen. Då bølgjene slo mot han sette han litt meir fart på seg og sumde litt utover, samtidig som han dreiv og dykka litt i bølgjene. Han sumde ut til ein ca. 100 meter frå land, der han heldt seg heilt til eg måtte reise igjen. I morgon stikk eg ned og ser om han er på plass ennå.